«Casting School» կինոյի և հեռուստատեսության դպրոցը հիմնվեց 2007 թվականին: Այն սկզբից անվանվել է «Casting School» հեռուստառադիոհաղորդավարների ուսումնական կենտրոն, որը հիմնադրվել է դերասան, ռեժիսոր, պրոդյուսեր Աբել Աբելյանիկողմից: Նույն թվականին առաջին խմբի շրջանավարտներից երեքն ավարտելուց հետո սկսեցին աշխատել հեռուստատեսությունում՝ որպես հաղորդավարներ:

2008 թվականին հիմնվեց «Առաջին պրոֆեսիոնալ դերասանական ստուդիան», որտեղ ապագա դերասանները հնարավորություն ունեն սովորել այն ամենը, ինչն անհրաժեշտ է կինոյում և թատրոնում լիարժեք դրսևորվելու համար: Առաջին պրոֆեսիոնալ դերասանական ստուդիան իր տեսակով առաջինն է տարածաշրջանում: Ստուդիայի շրջանավարտները սկսեցին նկարահանվել Հայաստանում արտադրվող ֆիլմերում և սերիալներում:

2009 թվականին բացվեց ռեժիսուրա, օպերատրություն, մոնտաժ բաժինը. միանգամից երեք մասնագիտություն մեկ ծրագրով:

2014 թվականին դպրոցը վերանվանվեց «Casting School» կինոյի և հեռուստատեսության դպրոց, որտեղ համախմբվեցին բոլոր բաժինները:

Մեր դպրոցում կարևորվում են պրակտիկ գիտելիքները, որոնք հետագայում ուսանողին օգնում են աշխատանքային գործունեություն ծավալել նախընտրած ոլորտում:

2016թ. Աբել Աբելյանը PaparazziLife.am կայքի կողմից պարգեւատրվել է որպես տարվա լավագույն մանկավարժ-դերասան:

Ինը տարիների ընթացքում «Casting School»-ի ամենամեծ ձեռքբերումը 125-ից ավելի շրջանավարտներն են, ովքեր ներկայումս որպես դերասաններ, հաղորդավարներ, լրագրողներ, ռեժիսորներ, օպերատորներ և մոնտաժողներ, աշխատում են ՀՀ տարբեր ԶԼՄ-ներում, կինոյում և թատրոնում (աշխատող շրջանավարտների լուսանկարները՝ այստեղ):